Teletransportación, bomba de purpurina, camuflaxe, podía voar, converterse en calquera animal e era inmortal.

Para iso empregaba un superconxuro:

1,2,3, Rosa ao poder

4,5,6, patas de cempés

7, 8, 9, 10!

Os poderes aparecer!!!

Xa vedes que no Pío XII souberon responder mellor que ben á pregunta que a rapazada do San José de Cluny lles deixou onte. E, por certo, escolleron o deseño de Ángela para ilustrar o conto final. Unha superheroína con vaqueiros pero, iso, si, cunha suuupercapa!

Que ganiñas de saber que pasa mañá de novo no Pío XII… Esta historia xa nos ten enganchadas!

Rosa é unha superheroína de pelo azul con mechas verdes que ten superpoderes.

Así comezaba hoxe a rapazada de 1º de Primaria do Colexio San José de Cluny unha nova edición do Conto Viaxeiro. Xa vedes que a protagonista vai dar para moito e, claro, estando o cole na rúa que está, non se podía chamar doutro xeito. Rosa chega con forza! Habemos coñecer máis desta supermuller mañá no CEIP Pío XII. Xa iremos contando ;)

E aquí está o videoconto de 2017:

Esta é a historia dun home chamado Peregrino que hai 100 anos saíu da súa casa, na mesmísima China, para facer o Camiño de Santiago e saber o que se vía a través dun misterioso periscopio que había en Compostela.

Ai, este Conto porque me toca estáche ben interesante… :) Hoxe ás 17.30h no Museo das Peregrinacións, máis! Achégate e participa nas aventuras deste tal Peregrino que han dar para moito…

Aínda ben non rematamos unha conto, comezamos outro! É que non cansamos de inventar historias. Hoxe imos andar pola SELIC, a Semana do Libro de Compostela, encetando un novo Conto Viaxeiro, pero desta volta vai estar ambientado no Camiño de Santiago. Pasádevos ás 17.30 h polo Museo das Peregrinacións (Praterías), que imos contar porque nos toca :D